కౌలు భూమి తగాదా.. తెదేపా కార్యకర్తపై దాడి

కౌలు భూమి విషయంలో తెలుగు దేశం పార్టీకి సంబంధించిన కార్యకర్తపై.. వైకాపా నాయకులు దాడి చేశారు. ఈ ఘటన అనంతపురం జిల్లాలో జరిగింది.

కౌలు భూమి తగాదాకు సంబంధించి తెలుగుదేశం పార్టీ కార్యకర్తపై.. వైకాపా నాయకులు దాడి చేశారు. ఈ ఘటన అనంతపురం జిల్లాలో జరిగింది. పరిగి మండల కేంద్రంలో జయరామప్ప అనే వ్యక్తిపై వైకాపా నాయకులు అన్యాయంగా దాడికి పాల్పడ్డారని బాధితుడి బంధువులు తెలిపారు.

జయరామప్పకు వైకాపా నాయకులకు గతం నుంచి కౌలు భూమి విషయంలో గొడవలు ఉన్నాయని, ఆ కారణంగా ఈరోజు ఘర్షణ జరిగినట్టు పరిగి మండల పోలీసులు తెలిపారు. తీవ్రంగా గాయపడిన జయరామప్ప హిందూపురం ప్రభుత్వ ఆసుపత్రిలో చికిత్స పొందుతున్నాడు. బాధితుడి ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్టు పరిగి మండలం పోలీసులు తెలిపారు.

ఇదీ చదవండి:suicide: రాత్రి ఇంటికి రాలేదని తండ్రి మందలించాడని..