'ఆ కార్యాలయాన్ని రైతు భరోసా కేంద్రంగా మార్చొద్దు'

మహిళా సాధికారత కార్యాలయాన్ని రైతు భరోసా కేంద్రంగా మార్చవద్దంటూ... మహిళలు ఆ కార్యాలయం ముందు భీష్మించుకుని కూర్చున్నారు. అధికారులు తమ నిర్ణయాన్ని వెనక్కి తీసుకోవాలని డిమాండ్ చేశారు.

అనంతపురం జిల్లా మడకశిర మండలం కే.గుండుమలలో ఉద్రిక్తత నెలకొంది. సాయంత్రం పోలీసులు, రెవెన్యూ, వ్యవసాయ అధికారులు గ్రామంలో ఉన్న చంద్రన్న భవన్ మహిళా సాధికారిత కార్యాలయాన్ని రైతు భరోసా కేంద్రంగా మార్చేందుకు వచ్చారు. విషయం తెలుసుకున్న మహిళలు అధికారులను అడ్డుకున్నారు. ఈ కార్యాలయాన్ని రైతు భరోసా కేంద్రంగా మార్చరాదని నిరసన వ్యక్తం చేశారు. గ్రామ పెద్దలతో అధికారులు చర్చలు జరుపుతున్నా...ఇంకా ఏకాభిప్రాయం కుదరకపోవడం వల్ల కార్యాలయం ముందే మహిళలు బైఠాయించి ప్రభుత్వానికి వ్యతిరేకంగా నినాదాలు చేశారు. అధికారులు తమ నిర్ణయాన్ని వెనక్కి తీసుకోవాలని లేకపోతే తాము ఉద్ధృతంగా నిరసనలు చేస్తామని హెచ్చరించారు.

ఇదీ చూడండి: డ్రైనేజీ సమస్యలపై భాజపా నేత ఆగ్రహం