కనీస వేతనాల కోసం మహిళా కార్మికుల నిరసన

పనికి తగిన విధంగా వేతనాలు ఇవ్వడం లేదంటూ సీపీఎం ఆధ్వర్యంలో మహిళా కార్మికులు నిరసనకు దిగారు. అనంతపురం జిల్లా పరిగిలోని 'ఇండియన్ డిజైన్స్ గార్మెంట్స్' గేటు ముందు బైఠాయించారు. బోనస్​లు ప్రకటించే వరకు విధులకు హాజరుకాబోమని తేల్చి చెప్పారు.

కనీస వేతనాలు చెల్లించాలని కోరుతూ 'ఇండియన్ డిజైన్స్ గార్మెంట్స్'లో పనిచేసే మహిళా కార్మికులు ధర్నా నిర్వహించారు. అనంతపురం జిల్లా పరిగిలోని ఆ సంస్థ గేటు ముందు సీపీఎం ఆధ్వర్యంలో బైఠాయించి.. బోనస్​లు ఇవ్వాలంటూ నినాదాలు చేశారు. జీతాలు పెంచే వరకు విధులకు హాజరు కాబోమని కార్మికులు ప్రకటించారు. ఈ పరిణామంతో పరిశ్రమలో ఉత్పత్తి నిలిచిపోయింది.

ఇతర సంస్థల్లో మహిళా కార్మికులకు పని ఆధారంగా రూ. 15,000 జీతం ఇస్తుండగా.. ఇక్కడ రూ. 6,000 తోనే సరిపెడుతున్నారని సీపీఎం నేతలు ఆరోపించారు. వేతనాలతో పాటు బోనస్​ ప్రకటించే వరకు సమ్మె కొనసాగుతుందని హెచ్చరించారు.

ఇదీ చదవండి:'సలాం కుటుంబం ఆత్మహత్యకు కారణమైన వారిని కఠినంగా శిక్షించాలి'