అనంతపూరం జిల్లా సోమందేపల్లి మండలం కొత్తపల్లి గ్రామంలో.. సమగ్ర భూ సర్వే కార్యక్రమాన్ని ప్రభుత్వ విప్ కాపు రామచంద్రారెడ్డి ప్రారంభించారు. సమగ్ర భూ సర్వే ద్వారా.. కొన్ని దశాబ్దాలుగా ఉన్న సమస్యలు తొలగిపోతాయన్నారు. ప్రజలకు మేలు కలిగించే కార్యక్రమాలు చేపట్టడంలో వైఎస్సార్ ప్రభుత్వం ఎల్లప్పుడు ముందంజలో ఉంటుందన్నారు.
ప్రభుత్వంపై లేనిపోని ఆరోపణలు చేస్తున్నారు
సమగ్ర భూ సర్వేలో తమ తప్పులు ఎక్కడ బయటకు వస్తాయో అని తెదేపా అధినేత చంద్రబాబు.. ప్రభుత్వంపై లేనిపోని ఆరోపణలు చేస్తున్నారని రామచంద్రారెడ్డి మండిపడ్డారు. కేవలం తమ తప్పులు బయటపడతాయనే ఉద్దేశంతోనే.. తెదేపా నేతలు ఈ కార్యక్రమాన్ని అడ్డుకోవడానికి యత్నిస్తున్నారని ఆరోపించారు.