అనంతపురం జిల్లా మడకశిర నగర పంచాయతి పరిధిలోని రెండో వార్డుకు చెందిన చౌటిపల్లి ప్రాంత ప్రజలకు... నెల రోజులుగా మంచినీటి కొరత ఏర్పడింది. గ్రామానికి చెందిన బోరుబావిలో మోటర్ చెడిపోయిన కారణంగా సమస్య మొదలయ్యింది. మోటర్ ను మరమ్మతుకు తీసుకువెళ్లి 20 రోజులైనా ఇప్పటివరకు సమస్య పరిష్కరించలేదు.
గ్రామంలో ఉన్న శ్రీరామిరెడ్డి వాటర్ ఓవర్ హెడ్ ట్యాంక్లోని నీరు.. పైపుల్లో బ్లాక్ అయిన కారణంగా కిందికి రావడం లేదు. ట్యాంకు లోపల ఉన్న నీటిని తీసేందుకు పైపులు వేసి అరకొరగా తోడుకుంటూ ప్రజలు దాహం తీర్చుకొంటున్నారు. ఇప్పటికైన నగర పంచాయతీ అధికారులు స్పందించి తమను ఆదుకోవాలని కోరుతున్నారు.