గ్రామ వాలంటీర్ అనుమానాస్పద మృతి

అనంతపురం జిల్లా నీలకంఠపురంలో విషాదం నెలకొంది. గ్రామ వాలంటీర్​గా విధులు నిర్వహిస్తున్న ఓ మహిళ అనుమానాస్పద స్థితిలో మృతి చెందింది. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

అనంతపురం జిల్లా మడకశిర మండలం నీలకంఠపురం గ్రామానికి చెందిన భాగ్యమ్మ అనే మహిళ అనుమానాస్పద స్థితిలో మృతి చెందింది. స్థానిక గ్రామ సచివాలయంలో గ్రామ వాలంటరీగా విధులు నిర్వహిస్తున్న భాగ్యమ్మకు, ఆమె భర్త వెంకటేష్​కు తరచూ గొడవలు జరుగుతుండేవి. ఈ క్రమంలో సోమవారం రాత్రి.. ఇద్దరూ ఘర్షణకు దిగారు. ఆవేశంలో వెంకటేష్ భాగ్యమ్మను హత్య చేసినట్లు మృతురాలి బంధువులు ఆరోపిస్తున్నారు. ఈ ఘటనను సహజ మరణంగా చిత్రీకరించేందుకు యత్నిస్తున్నాడని తెలిపారు. వెంకటేష్​పై పోలీసులకు ఫిర్యాదు చేశారు. కేసు నమోదు చేసుకున్న పోలీసులు మృతికి గల కారణాలను ఆరా తీస్తున్నారు.

ఇదీచదవండి.