ఆపద సమయంలో ఆసరా..అన్నార్తులకు సాయం

రాష్ట్రవ్యాప్తంగా లాక్​డౌన్ అమలులో ఉన్నందున పనులు లేక పస్తులుంటున్న అన్నార్తులకు పలువురు సహాయం చేస్తూ దాతృత్వాన్ని చాటుకుంటున్నారు. ఆపద సమయంలో మేమున్నామంటూ ముందుకువచ్చి పేదలను ఆదుకుంటున్నారు.

అనంతపురం జిల్లా అమరాపురం మండలం ఉప్పరపల్లిలో లాక్​డౌన్ సందర్భంగా ఇబ్బందులు ఎదుర్కొంటున్న సంచార కుటుంబాలకు స్థానిక ఎస్​ఐ సహాయం అందించారు. బియ్యం, మాస్కులు పంపిణీ చేశారు. కరోనా వైరస్ వ్యాప్తి చెందకుండా పాటించాల్సిన జాగ్రత్తలపై అవగాహన కల్పించారు. ఆగలి మండలం ఇరిగేపల్లికి వలస వచ్చిన 19 మంది వ్యక్తులకు ఆర్డీటీ ఆధ్వర్యంలో ఆహార ధాన్యాలు పంపిణీ చేశారు.

ఇదీ చదవండి.