అక్రమ మద్యం విక్రయిస్తున్న ఇద్దరు మహిళలకు రిమాండ్​

అనంతపురం జిల్లా అమరాపురం మండలంలో అక్రమ మద్యం విక్రయిస్తున్న ఇద్దరు మహిళలను అరెస్ట్​ చేశామని పోలీసులు తెలిపారు. వారిని కోర్టులో హాజరుపరచగా 14 రోజులు రిమాండ్​ విధించినట్లు చెప్పారు.

అనంతపురం జిల్లా అమరాపురం మండల కేంద్రానికి చెందిన భాగ్యమ్మ, పి.శివరం గ్రామానికి చెందిన అంబిక అనే మహిళలు అక్రమ మద్యం విక్రయిస్తున్నారనే సమాచారంతో వారిని అరెస్ట్​ చేసినట్లు పోలీసులు తెలిపారు. సిబ్బంది సాయంతో దాడులు నిర్వహించి వారి నుంచి మద్యం స్వాధీనం చేసుకున్నామన్నారు. మడకశిర కోర్టులో ముద్దాయిలను హాజరుపరచగా న్యాయమూర్తి వారిని 14 రోజులు రిమాండ్​కు ఆదేశించారని ఎస్ఐ తెలిపారు.

ఇదీ చదవండి: వదలని వాన కష్టాలు... విరిగిపడిన కొండ చరియలు