అనంతపురం జిల్లా రాయదుర్గం నియోజకవర్గంలోని గుమ్మగట్ట మండలం 75 వీరాపురం వద్ద ప్రమాదం జరిగింది. ఆటో బోల్తా పడిన ఘటనలో కేపీ దొడ్డి గ్రామానికి చెందిన ఇద్దరు మహిళలు మృతిచెందగా, ఓ మహిళతో పాటు ఇద్దరు చిన్నారులకు తీవ్ర గాయాలయ్యాయి. రాయదుర్గం నుంచి బయలుదేరిన ఆటోకు 75 వీరాపురం తండా వద్ద గెదే అడ్డు వచ్చింది. దానిని తప్పించే క్రమంలో బోల్తా పడింది. ఈ ఘటనలో కేపీదొడ్డి గ్రామానికి చెందిన శివమ్మ, లక్ష్మీదేవి అనే మహిళలు అక్కడికక్కడే మృత్యువాత పడ్డారు. గుమ్మగట్ట పోలీసులు ప్రమాద స్థలాన్ని పరిశీలించారు. కేసు నమోదు చేసుకుని దర్యాప్తు చేస్తున్నారు.