వ్యాపారి హత్య కేసు.. నిందితుల అరెస్టు

అనంతపురం జిల్లాలోని ఉమానగర్​లో జరిగిన అరటికాయల వ్యాపారి హత్య కేసులో.. ఇద్దరు నిందితులను పోలీసులు అరెస్టు చేశారు. అరటికాయల వ్యాపారం చేసుకునే పేక్​షావలీ.. వ్యాపారులపై ఆధిపత్యం చెలాయించేవాడనీ.. కోపం పెంచుకున్న సదరు వ్యాపారులు పేక్​షావలీని హత్య చేశారని గుర్తించారు.

అనంతపురం నగరం ఉమానగర్​లో జరిగిన అరటి కాయల వ్యాపారి షేక్​ షా వలీ హత్య కేసులో.. ఇద్దరు నిందితులను పోలీసులు అరెస్టు చేశారు. హతుడు షేక్​షావలీ అరటికాయల వ్యాపారం చేస్తూ జీవనం సాగించేవాడు. నిందితులు కూడా ఇదే వ్యాపారం నిర్వహించేవారు. ముగ్గురూ సూర్యనగర్‌లోని మహబూబ్‌బాషా వద్ద అరటికాయలు కొనేవారు. ఈ క్రమంలో వలీ.. బాబాఫకృద్దీన్‌, సద్దాంపై ఆధిపత్యం చెలాయిస్తూ తరచూ తిట్టడం, దండించడం, కొట్టడం చేసేవాడు. ఈ నేపథ్యంలో ఆ వ్యాపారులు కసి పెంచుకున్నారు. మనస్పర్థలు తారస్థాయికి చేరాయి.

షేక్ షా వలీ ఆధిపత్యాన్ని భరించలేకపోయారు. అరటికాయల మండి వ్యాపారి మహబూబ్‌బాషా వద్ద తీసుకెళ్లిన ఆటో ఇంజిన్‌ సీజ్‌ అయిన కారణంగా.. యజమాని నుంచి డబ్బులు ఇప్పించాలని షేక్​షావలీ వద్దకు నిందితుల్దిరూ వెళ్లారు. ఇందుకు వలీ ఇష్టమొచ్చినట్లు తిట్టాడు. వాగ్వాదం తీవ్రస్థాయికి చేరింది. ఈ క్రమంలో నిందితులు విచక్షణారహితంగా నరికి చంపారు. ఈ కేసులో నిందితులను సీఐ ప్రతాప్‌రెడ్డి నేతృత్వంలో పోలీసులు రెండు రోజుల్లో పట్టుకున్నారు. ఒకటో పట్టణ పోలీసులను ఎస్పీ సత్యఏసుబాబు, డీఎస్పీ వీరరాఘవరెడ్డి ప్రశంసించారు.

ఇదీ చదవండి: