చిత్రం.. మేక కడుపులో మూడో కొమ్ము
Third Horn to Goat: మనం ఇంతవరకు పశువులకు రెండు కొమ్ములు మాత్రమే చూశాం. ఇక్కడ మాత్రం ఓ మేకకు వింతగా మూడో కొమ్ము ఉంది. కొమ్ములు తలపైనే ఉంటాయి కదా ఈ మేకకు మూడో కొమ్ము వింతగా పొట్టలోంచి పుట్టుకొచ్చింది. ఇంతకీ ఇది ఎక్కడంటే
వింత మేక
Third Horn to Goat: మేకకు పెరిగిన మూడో కొమ్మును చూసిన రైతులు ఆశ్చర్యానికి గురవుతున్నారు. అనంతపురం జిల్లా ఉరవకొండలోని సంతలో ఈ మేక కనిపించింది. వెలిగొండ గ్రామానికి చెందిన రైతు ఉరవకొండ సంతలోకి అమ్మకానికి తీసుకురాగా.. సంతకు వచ్చిన పాడి రైతులు ఈ మేకను చూసి ఆశ్చర్యపోతున్నారు. అయితే ఈ మేకకు మాత్రం మూడో కొమ్ము పొట్టలో నుంచి పెరిగింది. పశుసంవర్ధకశాఖ అధికారులు మాత్రం.. జన్యుపరమైన కారణాల వల్ల ఇలాంటివి కనిపిస్తుంటాయని అంటున్నారు. జన్యు మార్పుల వల్ల కొమ్ములు ఇలా పక్కటెముకల నుంచి ఉద్భవిస్తాయని తెలిపారు.
అనంతపురం జిల్లాలో మేకకు మూడోకొమ్ము