అనంతపురం జిల్లా రాయదుర్గం మండలం మల్కాపురం గ్రామంలో ఈనెల 7న గొల్ల గోపాల్ హత్యకు గురయ్యాడు. ఈ కేసులో ప్రధాన నిందితుడు శ్రీనివాసులును అరెస్టు చేసినట్లు రాయదుర్గం సీఐ ఈరన్న, ఎస్సై రాఘవేంద్ర తెలిపారు. మద్యానికి బానిసైన శ్రీనివాసులు... డబ్బు కోసం స్నేహితులు, గ్రామస్థులను వేధించేవాడని చెప్పారు. "గ్రామానికి చెందిన గోపాల్ను మద్యం తీసుకురావాలని శ్రీనివాసులు కోరాడు. మద్యం తీసుకురాలేదని గోపాల్పై కోపంతో... అతన్ని రాళ్లతో కొట్టి, కాళ్లతో తన్ని హతమార్చారు" అని సీఐ తెలిపారు.
మృతుడి భార్య రేణుకమ్మ ఫిర్యాదు మేరకు నిందితుడిపై కేసు నమోదు చేసినట్లు వివరించారు. మండలంలోని కాంచనపల్లి గ్రామంలో ప్రభుత్వ ప్రాథమికోన్నత పాఠశాల వద్ద నిందితుడిని అరెస్టు చేసినట్లు చెప్పారు. విచారణ కోసం అతన్ని కోర్టులో హాజరుపరచనున్నట్లు పేర్కొన్నారు.