మర్రిమేకలపల్లిలో ఉద్రిక్తత... భారీగా పోలీసుల మోహరింపు

అనంతపురం జిల్లా మర్రిమేకలపల్లిలో ఉద్రిక్తత నెలకొంది. జేసీబీ సహాయంతో ఇళ్లు తొలగిస్తుండగా... ఏడాది బాలుడికి తీవ్ర గాయలయ్యాయి. ఈ ఘటనతో ఆగ్రహం చెందిన గ్రామస్థులు పోలీస్ వాహనాలను అడ్డుకున్నారు.

చిత్రావతి జలాశయ ముంపు గ్రామమైన అనంతపురం జిల్లా తాడిమర్రి మండలం మర్రిమేకలపల్లిలో పోలీసులు, రెవెన్యూ అధికారులు ఇళ్ల తొలగింపు ప్రక్రియను చేపట్టారు. జేసీబీతో ఇల్లు తొలగిస్తుండగా... పైకప్పు కూలి నాగచైతన్య అనే బాలుడు తీవ్రంగా గాయపడ్డాడు. అప్రమత్తమైన ధర్మవరం ఆర్డీవో మధుసూదన్... తన వాహనంలో బాలుడిని బత్తలపల్లి ఆర్డీటీ ఆస్పత్రికి తరలించారు. ఈ ఘటనతో ఆగ్రహం వ్యక్తం చేసిన గ్రామస్థులు పోలీసు వాహనాలను అడ్డుకున్నారు. గ్రామంలో ఉద్రిక్త పరిస్థితులు ఏర్పడటంతో భారీగా పోలీసులు మోహరించారు.

ఇదీచదవండి.