అనంతపురం జిల్లా నార్పల మండలలో ఇళ్ల స్థలాల పట్టాల పంపిణీ జాబితాలో అవకతవకలు జరిగాయని తెదేపా నేతలు ఆరోపించారు. అర్హులైన పేదలకు కాకుండా అనర్హులకే 90% శాతం పట్టాలిచ్చారని తెదేపా రాష్ట్ర ఎస్సీ సెల్ అధ్యక్షుడు ఎమ్.ఎస్. రాజు ధ్వజమెత్తారు. వైకాపా నాయకులు.... తమ కార్యకర్తలకే ఇళ్ల స్థలాలిస్తూ... జాబితా తయారు చేశారంటూ.. కార్పొరేషన్ నుంచి ఎమ్మార్వో కార్యాలయం వరుకూ ర్యాలీ నిర్వహించారు.
అనంతరం ఎమ్మార్వోకు వినతిపత్రం సమర్పించారు. పార్టీలకు అతీతంగా నిరుపేద కుటుంబాలకు... ఇళ్ల పట్టాలు మంజూరు చేస్తున్నామని ముఖ్యమంత్రి వైఎస్ జగన్ మోహన్ రెడ్డి గొప్పలు చెప్పుకుంటున్నారే తప్పా... క్షేత్ర స్థాయిలో ఏం జరుగుతుందో తెలుసుకోవడం లేదని అన్నారు.