తెదేపా కార్యకర్త దారుణ హత్య

అనంతపురం జిల్లాలో పాత కక్షలు ఒకరి ప్రాణాన్ని బలి తీసుకున్నాయి. ద్విచక్రవాహనంపై వెళ్తున్న వ్యక్తిని బొలెరో వాహనంతో ఢీకొట్టిన దుండగులు... వేట కొడవళ్లతో నరికి చంపారు.

తెదేపాలో చురుకైన కార్యకర్తగా మెలుగుతున్న వ్యక్తి గుట్టల్లో శవమై కనిపించాడు. అనంతపురం జిల్లాలో ఈ దారుణ హత్య జరిగింది. తలుపుల మండలం గజ్జలప్పగారిపల్లికి చెందిన వెంకటరమణపై దుండగులు దాడి చేసి చంపేశారు. మృతుడు పరిసర గ్రామాల్లో ట్యాంకర్లతో మంచినీరు సరాఫరా చేసేవాడు. అంగన్​వాడీ భవననిర్మాణ విషయంలో గ్రామంలోని ఒక వర్గంతో కొన్నాళ్ల క్రితం వెంకటరమణకుఘర్షణ జరిగింది. ఆ గొడవే ఇలా ప్రాణాల్ని బలితీసుకుందని బంధువులు ఆరోపిస్తున్నారు. పని నిమిత్తం వేరే ఊరెళ్లి ద్విచక్రవాహనంపై తిరిగొస్తున్న వెంకటరమణను చంపేశారని చెప్పారు. పోలీసులు కేసు దర్యాప్తు చేస్తున్నారు.

ఇవీ చూడండి