అనంతపురం జిల్లా రాయదుర్గం పట్టణంలోని 16 వ వార్డులో తెదేపా అభ్యర్థి సంపత్ కుమారి తరఫున.. పార్టీ సీనియర్ నేత, మాజీ మంత్రి కాలవ శ్రీనివాసులు ఇంటింటి ప్రచారం చేశారు. మున్సిపల్ ఎన్నికల్లో సైకిల్ గుర్తుకు ఓటు వేసి తెలుగుదేశం పార్టీని గెలిపించాలని ఓటర్లను కోరారు.
స్థానిక ఎమ్మెల్యే, ప్రభుత్వ విప్ కాపు రామచంద్రారెడ్డి ఓటర్లను బెదిరిస్తున్నారని కాలవ ఆరోపించారు. రాయదుర్గం పట్టణంలోని విజ్ఞులైన ఓటర్లు అభివృద్ధిని కాంక్షిస్తూ తెలుగుదేశం పార్టీని అఖండమైన మెజారిటీతో గెలిపించాలని విజ్ఞప్తి చేశారు.