పోటీలో నిలవలేక వైకాపా అడ్డదారులు: పరిటాల శ్రీరామ్

తెదేపాతో పోటీ పడలేకే వైకాపా అడ్డదారుల్లో నామినేషన్ల ఉపసంహరణకు పాల్పడిందని పరిటాల శ్రీరామ్ విమర్శించారు. తెదేపా అభ్యర్థులను బెదిరించి నామినేషన్లను వెనక్కి తీసుకునేలా చేశారని ఆరోపించారు.

పురపాలక ఎన్నికల్లో తెలుగుదేశం పార్టీతో ఎన్నికల బరిలో పోటీ పడలేక వైకాపా అడ్డదారుల్లో ఏకగ్రీవాలు చేసుకుందని అనంతపురం జిల్లా ధర్మవరం నియోజకవర్గం ఇన్​ఛార్జ్ పరిటాల శ్రీరామ్ విమర్శించారు. ధర్మవరం పురపాలక కార్యాలయంలో తెదేపా అభ్యర్థులకు సంబంధించిన బీ ఫారాలను ఆయన ఎన్నికల అధికారులకు అందజేశారు.

ధర్మవరంలో 40 స్థానాలు ఉండగా ఆరు చోట్ల తెదేపా అభ్యర్థుల నామినేషన్ పత్రాలు సరిగా లేవని అధికారులతో చెప్పించి ఏకగ్రీవం చేసుకున్నారన్నారు. మరో ఆరుగురిని భయాందోళనలకు గురి చేసి నామినేషన్ల ఉపసంహరించారని ఆరోపించారు. ప్రజాస్వామ్యంలో ఇలాంటి చర్యలు మంచిది కావన్నారు.

ఇదీ చదవండి: