అమరావతికి మద్దతుగా కళ్యాణదుర్గంలో భారీ బైక్​ ర్యాలీ

అమరావతికి మద్దతుగా కళ్యాణదుర్గం నియోజకవర్గ కేంద్రంలో భారీ బైక్​ ర్యాలీ నిర్వహించారు. మండలిలో సెలక్ట్ కమిటీకి బిల్లును పంపడం ముఖ్యమంత్రి జగన్మోహన్​ రెడ్డి జీర్ణించుకోలేక మండలి రద్దుకు పూనుకున్నారని తెదేపా నియోజకవర్గ ఇన్​ఛార్జ్​ విమర్శించారు.

అమరావతికి మద్దతుగా కళ్యాణదుర్గం నియోజకవర్గ కేంద్రంలో భారీ బైక్​ ర్యాలీ నిర్వహించారు. పట్టణ శివారులోని అక్కమాంబ దేవాలయం నుంచి నగరంలోని ప్రధాన వీధుల్లో ముఖ్యమంత్రి జగన్మోహన్​ రెడ్డికి వ్యతిరేకంగా నినాదాలు చేస్తూ ర్యాలీ చేపట్టారు. అనంతరం తెదేపా నియోజకవర్గ ఇన్​ఛార్జ్​ ఉమామహేశ్వర నాయుడు మాట్లాడారు. మండలిలో సెలక్ట్ కమిటీకి బిల్లును పంపడం ముఖ్యమంత్రి జీర్ణించుకోలేక మండలి రద్దుకు పూనుకున్నారని విమర్శించారు. ఈ పరిణామాలన్నింటినీ ప్రజలు గమనిస్తున్నారని, సరైన సమయంలో సమాధానం చెబుతారని హెచ్చరించారు.

ఇదీ చూడండి: 'నియంత పోకడలతో నిండా.. ముంచేశారు..!'