అద్భుత దృశ్యం.. శివలింగాన్ని తాకిన సూర్యకిరణాలు

అనంతపురం జిల్లా ఉరవకొండ మండలంలోని రాయంపల్లి గ్రామంలో ఉన్న పురాతన రామలింగేశ్వర స్వామి శివాలయంలో అద్భుత ఘటన జరిగింది. శివలింగాన్ని గురువారం ఉదయం సూర్య కిరణాలు తాకాయి.

అనంతపురం జిల్లా ఉరవకొండ మండలంలోని రాయంపల్లి గ్రామంలో ఉన్న పురాతన రామలింగేశ్వర స్వామి శివాలయంలో అద్భుత ఘటన చోటుచేసుకుంది. శివలింగాన్ని గురువారం ఉదయం సూర్య కిరణాలు తాకాయి. ఉదయం అర్చకుడు గుడి తలపులు తెరవగానే ఈ అద్భుత దృశం కనిపించిందని తెలిపారు. ఏటా ఈ మాసంలో ఏదో ఒకరోజు రవి కిరణాలు ఈశ్వరుని విగ్రహం మీద పడుతుంటాయని గ్రామస్థులు తెలిపారు. అర్చకులు ప్రత్యేక పూజలు, అభిషేకాలు నిర్వహించారు. ఈ అద్భుత దృశ్యాన్ని చూడ్డానికి గ్రామస్థులు ఆలయానికి తరలివచ్చారు.

ఇవీ చదవండి: తప్పుల తడకగా రేషన్​ కార్డులు.. ఇబ్బందుల్లో లబ్ధిదారులు