'అధిక ధరలకు అమ్ముతున్నారు.. చర్యలు తీసుకోండి'

నిబంధనలకు విరుద్ధంగా... అధిక ధరలకు పాఠ్యపుస్తకాలను విక్రయిస్తున్నారంటూ గుంతకల్లులోని ఓ కార్పొరేట్ కళాశాల ముందు విద్యార్థులు, విద్యార్థి సంఘాల నాయకలు ఆందోళన చేపట్టారు. వెంటనే యాజమాన్యంపై చర్యలు తీసుకోవాలని డిమాండ్ చేశారు.

నిబంధనలకు విరుద్దంగా పాఠ్య పుస్తకాలు విక్రయిస్తున్నారని ఆరోపిస్తూ అనంతపురం జిల్లా గుంతకల్లులోని ఓ కార్పొరేట్ కళాశాల ముందు విద్యార్థులు ఆందోళనకు దిగారు. ఎస్ఎఫ్ఐ ఆధ్వర్యంలో ఈ నిరసన కార్యక్రమం చేపట్టారు. కళాశాల తీరుపై అధికారులకు విద్యార్థి సంఘాల నాయకులు సమాచారమందించారు. గత వారంలో ఇలాంటి ఘటనలో ఓ పాఠశాలపై చర్యలు తీసుకున్నా... సదరు సంస్థ ఏ మాత్రం లెక్కచేయటం లేదని విద్యార్థి సంఘాల నాయకులు ఆరోపించారు. గుంతకల్లు ఎమ్మెల్యే వెంకట్రామిరెడ్డి కార్పొరేట్, ప్రైవేట్ విద్యాసంస్థలు యాజమాన్యాలతో సమావేశమై...నిబంధనలు అతిక్రమించవద్దని హెచ్చరించినా... పెడచెవిన పెడుతున్నారని ఆగ్రహించారు. తక్షణమే అధికారులు స్పందించి చర్యలు తీసుకోవాలని విద్యార్థి సంఘాల నేతలు డిమాండ్ చేశారు.