కూరగాయల మార్కెట్కి వెళ్లివారిపై ద్రావణం పిచికారీ
అనంతపురం జిల్లా ధర్మవరం పట్టణంలోని కూరగాయల మార్కెట్కు వచ్చే వారిపై.. సోడియం హైపో క్లోరైడ్ ద్రావణాన్ని చల్లుతున్నారు. కరోనా వైరస్ దరిచేరకుండా తమిళనాడులో ఒక మార్కెట్ వద్ద ఈ విధానం అమలు చేస్తుండటాన్ని అధ్యయనం చేశామని.. ధర్మవరం పురపాలక కమిషనర్ మల్లికార్జున తెలిపారు. ప్రభుత్వ బాలుర జూనియర్ కళాశాల క్రీడా మైదానంలో ఏర్పాటు చేసిన కూరగాయలు మార్కెట్కు వెళ్లేవారిపై.. ఈ యంత్రాల ద్వారా వైరస్ నాశక ద్రావణాన్ని పిచికారీ చేస్తున్నట్టు చెప్పారు. ఈ ద్రావణం వల్ల వైరస్ దరిచేరదని మున్సిపల్ కమిషనర్ తెలిపారు. మార్కెట్కు వెళ్లేవారు ద్రావణాన్ని పిచికారీ చేయించుకొని.. కొత్త అనుభూతితో వెళ్తున్నామన్నారు.