కొవిడ్ బారిన పడి ఇబ్బందులు పడుతున్న ఓ కుటుంబానికి నిత్యావసర సరకులు అందించి మానవత్వాన్ని చాటుకున్నారు అనంతపురం జిల్లా ఉరవకొండ ఎస్సై. పట్టణంలోని కోట వీధిలో తల్లీకుమారుడు అద్దె ఇంట్లో నివసిస్తున్నారు. వారికి కరోనా సోకి.. హోం ఐసోలేషన్లో ఉన్నారు.
కూలీ పనులు చేసుకుని జీవనం సాగించే ఆ కుటుంబానికి ప్రస్తుత పరిస్థితి భారమైంది. ఇంట్లో సరకులు లేక ఇబ్బంది పడాల్సి వచ్చింది. విషయం తెలుసుకున్న ఎస్సై రమేశ్ రెడ్డి.. తన సిబ్బందితో వెళ్లి ఒక బియ్యం బస్తా, నెలకు సరిపడా సరకులు అందించారు. ధైర్యం చెప్పారు.