అనంతపురం జిల్లా కదిరి మండలం కాళసముద్రం గురుకుల పాఠశాల వద్ద ఆటోను లారీ ఢీకొన్న ప్రమాదంలో ఏడుగురు గాయపడ్డారు. కాళసముద్రం నుంచి కుటాగుళ్లకు కూలీలతో వస్తున్న ఆటోను 42వ నెంబర్ జాతీయ రహదారిపై గురుకుల పాఠశాల వద్ద లారీ ఢీకొంది. ఆటోలో ప్రయాణిస్తున్న ఏడుగురు గాయపడ్డారు.
స్థానికులు బాధితులను కదిరి ప్రాంతీయ వైద్యశాలకు తరలించారు. గాయపడిన వారిలో ఇద్దరి పరిస్థితి విషమంగా ఉండడంతో... మెరుగైన చికిత్స కోసం వారిని అనంతపురం తరలించారు. పోలీసులు కేసు నమోదు చేశారు.