ఆర్టీసీ బస్సు, లారీ ఢీ... ఏడుగురికి గాయాలు

ఆర్టీసీ బస్సును లారీ ఢీకొట్టిన ఘటనలో ఏడుగురికి గాయ్యాలయ్యాయి. క్షతగాత్రులను కదిరి ప్రాంతీయ ఆసుపత్రికి తరలించారు. కదిరి డిపో మెనేజర్ బాధితులను పరామర్శించారు.

అనంతపురం జిల్లా కదిరి మండలం సోమేశ్ నగర్ వద్ద ఆర్టీసీ బస్సును లారీ ఢీకొన్న ఘటనలో ఎనిమిది మంది గాయపడ్డారు. బెంగళూరు నుంచి ప్రొద్దుటూరు వెళ్తున్న ఆర్టీసీ బస్సును పులివెందుల వైపు నుంచి వస్తోన్న లారీ ఢీకొట్టింది. ఈ ప్రమాదంలో బస్సు డ్రైవర్​తో పాటు మరో ఏడుగురు గాయపడ్డారు. క్షతగాత్రులను కదిరి ప్రాంతీయ వైద్యశాలకు తరలించారు. కదిరి డిపో మేనేజర్, సిబ్బంది ఆసుపత్రికి వచ్చి గాయపడిన వారిని పరామర్శించారు. బాధితుల ఫిర్యాదు మేరకు పోలీసులు కేసు నమోదు చేశారు.

ఇదీ చదవండి:లుంగీతో భార్యను హత్యచేసిన భర్త