ఇరువర్గాల ఘర్షణలో వ్యక్తికి తీవ్ర గాయాలు.. ఆస్పత్రికి తరలింపు

రెండు వర్గాల మధ్య చెలరేగిన వాగ్వివాదం చిలికి చిలికి.. ఘర్షణ వాతావరణానికి దారితీసింది. ఈ క్రమంలో ఓ వ్యక్తిపై దాడి జరగ్గా తీవ్రంగా గాయపడ్డాడు. అధిక రక్త స్రావంతో ఉన్న బాధితుడ్ని పోలీసులు కల్యాణ దుర్గం ఆస్పత్రికి తరలించారు.

అనంతపురం జిల్లా కల్యాణ దుర్గం మండలం గోళ్ల గ్రామంలో ఇరు వర్గాల మధ్య ఘర్షణ వాతావరణం చెలరేగింది. ఈ క్రమంలో ఓ వ్యక్తి తీవ్రంగా గాయపడ్డాడు.

గత కొంతకాలంగా..

గ్రామంలో గత కొంతకాలంగా ఇరువర్గాల మధ్య తరచుగా విభేదాలు నెలకొంటున్నాయి. ఈ నేపథ్యంలో రెండు వర్గాలు వాగ్వాదాలకు దిగాయి. గ్రామంలోని మోహన్ రెడ్డి, సూరి వర్గాలు ఘర్షణ పడగా.. రామ్మోహన్ అనే వ్యక్తి తీవ్ర గాయాలపాలయ్యాడు. బాధితుడు రామ్మోహన్​ను కల్యాణ దుర్గం ప్రభుత్వ ఆస్పత్రికి తరలించారు. అనంతరం మెరుగైన వైద్యం కోసం అనంతపురానికి తరలించారు. కేసు నమోదు చేసుకున్న పోలీసులు దర్యాప్తు చేస్తున్నారు.

ఇవీ చూడండి :ఎంపీ రఘురామను అందుకే అరెస్టు చేశాం.. సీఐడీ ప్రకటన