బ్యాంకులో నగదు స్వాహా... ఆందోళనలో బాధితులు

అనంతపురం జిల్లా పుట్టపర్తి పరిధిలోని ఎస్​బీఐ బ్యాంకు డిపాజిట్ దారులు సొమ్ము స్వాహాకు గురైంది. ఘటనపై బాధితులు బ్యాంకు ఎదుట ఆందోళన చేపట్టారు.

అనంతపురం జిల్లా పుట్టపర్తిలోని బ్రాహ్మణపల్లి ఎస్​బీఐ వద్ద డిపాజిట్ దారులు ఆందోళన చేపట్టారు. తాళం వేసిన బ్యాంకులో రూ.57 లక్షలు స్వాహాకు గురయ్యాయి. ఈ నేపథ్యంలో... డిపాజిట్ దారులు సొమ్మును వెంటనే చెల్లించాలంటూ డిమాండ్ చేశారు. ఫలితంగా బ్యాంక్ సేవలు నిలిచిపోయాయి. రెండేళ్లలో 35 మందిని మోసం చేశారని వాపోయారు. గతంలో ఇక్కడ పనిచేసిన మేనేజర్ రమేష్ రూ.57 లక్షల స్వాహా చేశాడు. ఈ ఘటన 2 నెలల క్రితం వెలుగులోకి వచ్చింది. ఎవరు ఆందోళన చెందాల్సిన అవసరం లేదని... వీలైనంత త్వరగా డిపాజిట్ సొమ్ము చెల్లిస్తామని బ్యాంక్ మేనేజర్ హామీ ఇవ్వడంతో... బాధితులు ఆందోళన విరమించారు.