ఆర్డీఓ కార్యాలయం ఆవరణంలో సంక్రాంతి సంబురాలు
అనంతపురం జిల్లా ధర్మవరంలో సంక్రాంతి సంబరాలు ఘనంగా జరిగాయి. ఆర్డీఓ కార్యాలయం ఆవరణంలో నిర్వహించిన కార్యక్రమాల్లో జాయింట్ కలెక్టర్ గంగాధర్ గౌడ్, ఆర్డీవో మధుసూదన్, డీఎస్పీ రమాకాంత్ వివిధ శాఖల అధికారులు పాల్గొన్నారు.
సంప్రదాయ దుస్తులు ధరించి వేడుకల్లో పాల్గొన్నారు. ముగ్గుల పోటీలు నిర్వహించారు. భోగి మంటలు వేసి పాటలకు నృత్యం చేశారు. ఎడ్లబండిపై కార్యాలయ ఆవరణంలో అధికారులు సవారీ చేశారు. చిన్నారుల నృత్య ప్రదర్శన అలరించింది.