అనంతపురం జిల్లా మడకశిర మండలం జమ్మానిపల్లి అంగన్వాడీ కేంద్రంలో చిన్నారులు, గర్భిణీలు, బాలింతలకు అందించే కోడిగుడ్లు కుళ్లి, పగిలిపోయి ఉన్నాయి. తమ గ్రామంలో నాణ్యతలేని, కుళ్లిన, దుర్వాసన వస్తూ… పురుగు పట్టిన కోడిగుడ్లు కేంద్రానికి చేరాయని గ్రామస్థులు వాపోయారు. తాము ప్రశ్నించినందుకు అంగన్వాడీ సిబ్బంది బయటపడేశారని తెలిపారు. ఇప్పటికైనా ఉన్నతాధికారులు కోడిగుడ్ల సరఫరాపై దృష్టి సారించి ప్రజలకు నాణ్యమైన కోడిగుడ్లు అందించాలని కోరారు.
అంగన్వాడీ కేంద్రంలో నాణ్యత లేని, కుళ్లిన కోడిగుడ్లు - జమ్మానిపల్లి అంగన్వాడీ కేంద్రం తాజా వార్తలు
జమ్మానిపల్లి గ్రామంలోని అంగన్వాడీ కేంద్రంలో చిన్నారులకు, గర్భిణీ, బాలింతలకు అందించే కోడిగుడ్లు దయనీయ స్థితిలో ఉన్నాయని గ్రామస్థులు పేర్కొన్నారు. అధికారులు స్పందించి తమకు నాణ్యమైన కోడిగుడ్లు అందించాలని తెలిపారు.
అంగన్వాడీ కేంద్రానికి వచ్చిన కుళ్లి, పురుగుపట్టిన గుడ్లు