అనంత, కర్నూలుజిల్లాలో రోడ్డు ప్రమాదాలు...ఇద్దరు మృతి

కర్నూలు, అనంతపురంలో జరిగిన రోడ్డు ప్రమాదంలో ఇద్దరు మృతి చెందారు. ఒకరు ఆసుపత్రికి వెళ్తుడంగా ప్రమాదం జరిగింది. ఇంకొక ప్రమాదం అతివేగం కారణంగా జరిగింది.

అనంతపురం జిల్లా కదిరి పట్టణం సమీపంలోని పిల్లవంక కాలనీ వద్ద రెండు ద్విచక్రవాహనాలు ఢీకొన్న ప్రమాదంలో ఒకరు మృతి చెందారు. కర్నూలు జిల్లా నంద్యాలకు చెందిన కరిముల్లా, మస్తాన్ లు ఇద్దరూ ఉపాధికోసం ఓబుళదేవరచెరువుకు వెళ్లారు. అనారోగ్యంతో బాధపడుతున్న కరిముల్లా చికిత్స కోసం కదిరికి ద్విచక్ర వాహనంలో తిరుగు వెళ్తుండగా ఎదురుగా వచ్చిన మరో ద్విచక్ర వాహనం ఢీకొంది. ప్రమాదంలో కరిముల్లా, మస్తాన్ గాయపడ్డారు. స్థానికుల సాయంతో ఆసుపత్రికి తీసుకెళ్లగా. తీవ్రంగా గాయపడిన కరిముల్లా చికిత్స పొందుతూ మృతి చెందారు.పోలీసులు కేసు నమోదు చేశారు.

కర్నూలు జిల్లాలో..

కర్నూలు జిల్లా మంత్రాలయం మండలంలోని సూగూరు-బూదురు మధ్య రెండు ద్విచక్ర వాహనాలు ఢీకొన్న ప్రమాదంలో ఒకరు మృతి చెందగా మరో ఇద్దరు తీవ్రంగా గాయపడ్డారు. రెండు ద్విచక్ర వాహనాలు రాత్రి వేగంగా వెళ్తూ ఢీకొన్నాయి. ఈ ప్రమాదంలో మాబుసాబ్(62) మృతి చెందాడు. గాయపడిన వారిని చికిత్స కోసం ఎమ్మిగనూరు ప్రభుత్వ ఆసుపత్రికి తరలించారు. పోలీసులు కేసు నమోదు చేశారు.

ఇదీ చదవండి