రోడ్డు ప్రమాదంలో కూలీ మృతి
కూలీలతో వెళ్తున్న బొలెరో వాహనం అదుపు తప్పి బోల్తా పడిన ఘటన అనంతపురం జిల్లా కనగానపల్లి మండలం దేవరపల్లి వద్ద 44వ జాతీయ రహదారిపై జరిగింది. ఈ ప్రమాదంలో ఓ మహిళా కూలీ మృతి చెందగా, ముగ్గురు గాయాలపాలయ్యారు. సమాచారం అందుకున్న పోలీసులు ఘటనాస్థలానికి చేరుకుని గాయపడిన వారిని అనంతపురం ప్రభుత్వ ఆసుపత్రికి తరలించారు. మృతురాలు చెన్నైకొత్తపల్లి మండలం ఒంటికొండకు చెందిన వెంకటలక్ష్మమ్మగా పోలీసులు గుర్తించారు.