రెండు ద్విచక్ర వాహనాలు ఢీ.. ఒకరు మృతి

రెండు ద్విచక్ర వాహనాలు ఢీకొని ఒకరు అక్కడికక్కడే ప్రాణాలు విడవగా.. మరో ఇద్దరు తీవ్రంగా గాయపడి ఆసుపత్రిలో చికిత్స పొందుతున్నారు. అనంతపురం జిల్లా తాడిపత్రి మండలం చుక్కలూరు గ్రామ సమీపంలో ఈ ఘటన చోటు చేసుకుంది.

అనంతపురం జిల్లా తాడిపత్రి మండలం చుక్కలూరు గ్రామ సమీపంలో రోడ్డు ప్రమాదం చోటు చేసుకుంది. ఎదురెదురుగా ప్రయాణిస్తున్న రెండు ద్విచక్ర వాహనాలు ఢీకొని ఒకరు మృతి చెందగా.. మరో ఇద్దరు తీవ్రంగా గాయపడ్డారు. తాడిపత్రి మండలం కొట్టాలపల్లి గ్రామానికి చెందిన హనీఫ్(26) వ్యక్తిగత పనుల నిమిత్తం ద్విచక్ర వాహనంపై వెళ్తుండగా.. చుక్కలూరు గ్రామ సమీపంలోకి రాగానే ఎదురుగా వస్తున్న మరో ద్విచక్ర వాహనాన్ని డీ కొన్నాడు. ఈ ఘటనలో హనీఫ్ అక్కడికక్కడే మృతి చెందగా.. శివశంకర్, సత్తెన్నలు తీవ్రంగా గాయపడ్డారు. గాయపడ్డ వారిని స్థానికులు 108 సాయంతో తాడిపత్రి ప్రభుత్వ ఆసుపత్రికి తరలించారు. పోలీసులు కేసు నమోదు చేసుకొని దర్యాప్తు చేపట్టారు.

ఇవీ చూడండి...