కర్ణాటకకు అక్రమంగా తరలిస్తున్న రేషన్ బియ్యం పట్టివేత

అనంతపురం జిల్లా తాడిమర్రి నుంచి కర్ణాటకకు అక్రమంగా తరలిస్తున్న రేషన్ బియ్యాన్ని తాడిమర్రి పోలీసులు పట్టుకున్నారు.

అనంతపురం జిల్లా తాడిమర్రి సాయిబాబా గుడి సమీపంలో పోలీసులు వాహన తనిఖీలు నిర్వహిస్తుండగా.. అక్రమంగా రేషన్​ బియ్యం తరలిస్తున్న ఐషర్ వాహనం పట్టుబడింది. వాహనంలో 126 బియ్యం బస్తాలున్నాయి. వాటిని కర్ణాటకకు తరలిస్తున్నట్లు పోలీసులు గుర్తించారు. ఒకరిని అదుపులోకి తీసుకుని విచారిస్తున్నారు. రెవెన్యూ అధికారులకు రేషన్ బియ్యం అప్పగించనున్నట్లు తాడిమర్రి ఎస్ఐ శ్రీ హర్ష తెలిపారు.

ఇవీ చదవండి:బసినేపల్లి సమీపంలో 2,500 లీటర్ల బెల్లం ఊట ధ్వంసం