రేషన్ బియ్యం పట్టివేత..9 మంది అరెస్ట్

రేషన్ బియ్యాన్ని అక్రమంగా తరలిస్తున్నారనే పక్కా సమాచారంతో గుంతకల్లు పట్టణ శివారులో పోలీసులు తనిఖీలు నిర్వహించారు. అనంతరం బియ్యాన్ని స్వాధీనం చేసుకుని 9 మంది నిందితులను అదుపులోకి తీసుకున్నారు.

అనంతపురం జిల్లా గుంతకల్లు పట్టణ శివారులో అక్రమంగా తరలిస్తున్న రేషన్ బియ్యాన్ని పోలీసులు పట్టుకున్నారు. పారిశ్రామిక వార్డులో రేషన్ బియ్యాన్ని గోడౌన్​లో అక్రమంగా నిల్వ ఉంచి ఇతర ప్రాంతాలకు తరలిస్తున్న తొమ్మిది మందిని రూరల్ పోలీసులు అరెస్టు చేశారు.

పక్కా సమాచారంతో..

పక్కా సమాచారం అందుకుని తమ సిబ్బందితో కలిసి ఈ దాడులు నిర్వహించామని పోలీసులు వెల్లడించారు. అందులో భాగంగా రేషన్ బియ్యం డీజిల్​ ఆటోల్లో తరలిస్తున్న 9 మందిని అదుపులోకి తీసుకున్నామని పేర్కొన్నారు.

200 బస్తాల బియ్యం బస్తాలతో..

అనంతరం నిందితుల వద్ద నుంచి 200 బస్తాల బియ్యం ప్యాకెట్లతో పాటు 4 డీజిల్ ఆటోలను స్వాధీనం చేసుకుని సీజ్ చేశామన్నారు. వీరందరిని కోర్టులో హాజరుపరచి రిమాండ్​కు తరలించనున్నట్లు స్పష్టం చేశారు.

ఇవీ చూడండి : గుంటూరు జిల్లాలో కాల్వలోకి దూసుకెళ్లిన కారు...నలుగురు మృతి