అనంతపురంలో రంజాన్ వేడుకలను ముస్లిం సోదరులు ఘనంగా జరుపుకుంటున్నారు. నగరంలోని మడిమి వంక వద్ద ఉన్న చాందిని మసీద్లో కొవిడ్ నిబంధనల మేరకు ముస్లింలు ప్రార్థనలు నిర్వహించారు. పవిత్ర రంజాన్ మాసాన్ని పురస్కరించుకుని.. కరోనా మహమ్మారి అంతమవ్వాలని.. ప్రజలు సుఖశాంతులతో ఉండాలని ఆ దేవుణ్ని కోరుకున్నట్లు ముస్లిం సోదరులు తెలిపారు. సేవా భావానికి ప్రతీక అయినా రంజాన్ పండుగను ప్రతి ముస్లిం సంతోషంగా చేసుకోవాలని పిలుపునిచ్చారు.