కర్ణాటక మద్యం పట్టివేత.. ముగ్గురి అరెస్టు

అక్రమ మద్యం రవాణాను అరికట్టేందుకు పోలీసులు ఎంత ప్రయత్నిస్తున్నా ఆగడం లేదు. రాయదుర్గం వీరాపురంలో నిర్వహించిన దాడుల్లో కర్ణాటక మద్యాన్ని పోలీసులు స్వాధీనం చేసుకుని.. ముగ్గురిని అరెస్టు చేశారు.

అనంతపురం జిల్లా రాయదుర్గం నియోజకవర్గంలోని గుమ్మగట్ట మండలం వీరాపురంలో బుధవారం ఎక్సైజ్ అధికారులు నిర్వహించిన దాడుల్లో కర్ణాటక మద్యం పట్టుబడింది. ముగ్గురు వ్యక్తులను అరెస్టు చేసిన పోలీసులు.. వారి వద్ద నుంచి మద్యం కేసులు స్వాధీనం చేసుకున్నారు. రెండు ద్విచక్ర వాహనాలు సీజ్​ చేసినట్లు సర్కిల్​ ఇన్​స్పెక్టర్​ వైవీ పవన్​ తెలిపారు.

రాయదుర్గం, కనేకల్ ఎక్సైజ్ పోలీస్ స్టేషన్ పరిధిలో జూన్ 12 వరకు నమోదైన 50 కేసుల్లో.. 80 మందిని అరెస్ట్ చేశారు. 34 వాహనాలను సీజ్ చేసి 255 లీటర్ల కర్ణాటక మద్యాన్ని స్వాధీనం చేసుకున్నారు.

ఇదీ చూడండి..