ద్విచక్ర వాహనంపై అక్రమంగా తరలిస్తున్న కర్ణాటక మద్యాన్ని పోలీసులు సీజ్ చేశారు. అనంతపురం జిల్లా ఉరవకొండలో స్పెషల్ ఎన్ఫోర్స్ మెంట్ బ్యూరో ఆధ్వర్యంలో వాహనాల తనిఖీలు నిర్వహించారు. ఈ క్రమంలో కర్ణాటక నుంచి ఉరవకొండకు ద్విచక్ర వాహనంపై మద్యం తరలిస్తున్న ఇద్దరు వ్యక్తులను పోలీసులు అరెస్ట్ చేశారు. వారి వద్ద నుంచి 384 హైవార్డ్ చీర్స్ విస్కీ, 90 ఎంఎల్ టెట్రా ప్యాకెట్లను స్వాధీనం చేసుకున్నారు. నిందితులు ఉరవకొండ మండలం చిన్న ముష్టురు గ్రామానికి చెందిన హనుమంతు, శంకర్ గా గుర్తించారు. పట్టుబడిన కర్ణాటక మద్యం విలువ 20,000 వేల రూపాయలు ఉండగా.. బహిరంగ మార్కెట్ లో రెట్టింపు ఉంటుందని పోలీసులు తెలిపారు.
ఉరవకొండలో మద్యం స్వాధీనం.. ఇద్దరి అరెస్ట్ - ఉరవకొండలో అక్రమ కర్ణాటక మద్యం సీజ్ చేసిన పోలీసులు
అనంతపురం జిల్లా ఉరవకొండలో అక్రమంగా తరలిస్తున్న కర్ణాటక మద్యాన్ని పోలీసులు స్వాధీనం చేసుకున్నారు. ఈ ఘటనలో ఇద్దరిని అరెస్ట్ చేశారు.
అక్రమ కర్ణాటక మద్యం