మృతి చెందిన కానిస్టేబుల్ కుటుంబానికి ఆర్థిక సాయం

అనంతపురం జిల్లాలో ఇటీవల మృతి చెందిన బెళుగుప్ప పోలీస్ స్టేషన్​ హెడ్ కానిస్టేబుల్ కుటుంబానికి సహచర ఉద్యోగులు ఆర్థిక సాయం అందించారు. జిల్లా ఎస్పీ సత్య ఏసుబాబు చేతుల మీదుగా రూ. 2,04,116 నగదు మృతుడి కుటుంబానికి అందజేశారు.

అనంతపురం జిల్లాలో పోలీసులు దాతృత్వం చాటారు. మృతి చెందిన సహచర కానిస్టేబుల్​ కుటుంబానికి ఆర్థిక సాయం అందజేశారు. బెళుగుప్ప పోలీసు స్టేషన్​లో హెడ్ కానిస్టేబుల్​గా పని చేస్తున్న సూర్యనారాయణ... ఇటీవల రోడ్డు ప్రమాదంలో మృతి చెందాడు. అయితే మృతుడి కుటుంబానికి తమ వంతు ఆర్థిక సహకారం అందించాలని ఆయన సహచర ఉద్యోగులు సంకల్పించారు. ఈ క్రమంలో రూ. 2,04,116 మొత్తాన్ని సేకరించారు. ఈ నగదును జిల్లా ఎస్పీ సత్య ఏసుబాబు చేతుల మీదుగా సూర్యనారాయణ కుటుంబీకులకు అందజేశారు. ఈ సాయం పట్ల సూర్యనారాయణ భార్య విమలాదేవి, కూతురు లక్ష్మీసాయి కృతజ్ఞతలు తెలిపారు.

ఇదీ చూడండి: