హత్యకేసులో నిందితుడిని అరెస్ట్ చేసిన పోలీసులు

కదిరి పట్టణం గాంధీనగర్ లో ఈ నెల 12 జరిగిన హత్య కేసు నిందితుడిని పోలీసులు అరెస్ట్ చేశారు. నిందితుని నుంచి హత్యకు ఉపయోగించిన కత్తిని స్వాధీనం చేసుకున్నారు.

అనంతపురం జిల్లా కదిరి పట్టణం గాంధీనగర్ లో జరిగిన హత్య కేసు నిందితుడిని పోలీసులు అరెస్టు చేశారు. ఈ నెల 12న గాంధీనగర్ లో వివాహేతర సంబంధం కారణంగా జరిగిన ఘర్షణలో అల్లావుద్దీన్ అనే వ్యక్తి హత్యకు గురయ్యాడు. అల్లావుద్దీన్​పై బాబా అనే వ్యక్తి కత్తితో దాడి చేయడంతో తీవ్రంగా గాయపడ్డ అతను అక్కడికక్కడే మృతి చెందాడు. కేసు నమోదు చేసిన పోలీసులు నిందితుడిని కుటాగుళ్ల సమీపంలో అరెస్టు చేశారు. అల్లావుద్దీన్.. హత్యకు ఉపయోగించిన కత్తిని స్వాధీనం చేసుకున్న పోలీసులు నిందితుడిని రిమాండ్​కు పంపారు.

ఇదీ చదవండి