అధికారుల నిర్లక్ష్యం : పింఛన్ అందక బాధితుని అవస్థలు

అనంతపురం జిల్లా సామలపల్లిలో అధికారుల నిర్లక్ష్యం బయటపడింది. బతికున్న వృద్ధుడు చనిపోయినట్లుగా రికార్డుల్లో చూపి 2 నెలలుగా పింఛన్ నిలిపివేశారు. ఈ ఘటనపై బాధితుడు.. అధికారులకు ఫిర్యాదు చేయగా... సమస్యను పరిష్కరిస్తామని హామీ ఇచ్చారు.

అనంతపురం జిల్లా గోరంట్ల మండలం సామలపల్లి గ్రామానికి చెందిన నిడిమామిడప్ప అనే వృద్ధుడు.. బతికి ఉన్నప్పటికీ... పింఛన్ రికార్డులో చనిపోయినట్లు పేరు నమోదైంది. ఫలితంగా రెండు నెలలుగా పింఛన్ సొమ్ము అందక తీవ్ర ఇబ్బందులు ఎదుర్కొంటున్నాడు.

ఈ విషయంపై గోరంట్ల ఎంపీడీవో అంజినప్పకు ఫిర్యాదు చేశాడు. స్పందించిన ఎంపీడీఓ... వీలైనంత త్వరగా సమస్యను పరిష్కరించి బాధితునికి న్యాయం చేస్తానని హామీ ఇచ్చారు.

ఇదీ చదవండి: