అనంతపురం జిల్లా మడకశిర నియోజకవర్గంలోని రొళ్ల మండల కేంద్రంలోని ఓ ప్రైవేట్ కళాశాల సమీపంలో ద్విచక్ర వాహనం, టిప్పర్ ఢీకొన్నాయి. ఈ ప్రమాదంలో ఓ వ్యక్తి అక్కడికక్కడే మృతి చెందగా మరో వ్యక్తికి తీవ్రగాయాలయ్యాయి.
క్షతగాత్రుడ్ని.. స్థానికులు మడకశిర ప్రభుత్వాసుపత్రికి తరలించారు. బాధితులను రొళ్ల మండలంలోని జి.జి.హట్టి గ్రామానికి చెందిన వారిగా గుర్తించారు. పోలీసులు కేసు నమోదు చేసుకుని ప్రమాదంపై దర్యాప్తు చేస్తున్నారు.