మిద్దె పైకప్పు కూలి వృద్ధుడు మృతి

మిద్దె పైకప్పు కూలి 70 ఏళ్ల వృద్ధుడు అక్కడికక్కడే మృతి చెందిన ఘటన అనంతపురం జిల్లా పెద్దవడుగురు మండల పరిధిలో జరిగింది.

అనంతపురం జిల్లా పెద్దవడుగురు మండలం క్రిష్టిపాడులో మిద్దె కూలి కుళ్లాయినాయుడు(70) అనే వృద్ధుడు మృతి చెందాడు. గ్రామంలో గాలి వాన రావటంతో...తోటలోని అరటి చెట్లు ఎలా ఉన్నాయో పరిశీలించేందుకు వెళ్లాడు. ఆ క్రమంలో భారీ వర్షం పడటంతో... తోటలో ఉన్న మిద్దెలో తలదాచుకునేందుకు వెళ్లగా ఆకస్మాత్తుగా పైకప్పు కూలటంతో అక్కడికక్కడే ప్రాణాలు వదిలాడు.