వైకాపా ఎమ్మెల్యే పెద్దారెడ్డిపై చర్యలు తీసుకోవాలి: నారా లోకేశ్

అనంతపురం జిల్లా తాడిపత్రిలో వైకాపా ఎమ్మెల్యే పెద్దారెడ్డిపై తెదేపా జాతీయ ప్రధాన కార్యదర్శి లోకేష్ ఆగ్రహం వ్యక్తం చేశారు. జేసీ ప్రభాకర్​రెడ్డి లేని సమయంలో ఆయన ఇంటికెళ్లి.. వారి అనుచరులపై ఎమ్మెల్యే దాడి చేయడాన్ని ఖండిస్తున్నట్లు లోకేశ్ తెలిపారు.

తాడిపత్రి ఘటనలో చట్టాన్ని ఉల్లంఘించి రెచ్చిపోయిన వైకాపా ఎమ్మెల్యే పెద్దారెడ్డిపై చర్యలు తీసుకోవాలని తెదేపా జాతీయ ప్రధాన కార్యదర్శి లోకేష్ డిమాండ్​ చేశారు. వైకాపా ఎమ్మెల్యేలు రౌడీల్లా ప్రవర్తిస్తున్నారని ధ్వజమెత్తారు. తెదేపా సీనియర్ నేత జేసీ ప్రభాకర్​రెడ్డి లేని సమయంలో ఆయన ఇంటికెళ్లి.. వారి అనుచరులపై తాడిపత్రి ఎమ్మెల్యే కేతిరెడ్డి పెద్దారెడ్డి దాడి చేయడాన్ని తీవ్రంగా ఖండిస్తున్నట్లు తెలిపారు.

ఇదీ చదవండి: గండికోట నిర్వాసితులను క్షమాపణలు కోరిన సీఎం జగన్