ఎమ్మార్వో అందుబాటులో లేక ఎంపీటీసీ, జడ్పీటీసీ అభ్యర్థుల ఇక్కట్లు

అనంతపురం జిల్లా హిందూపురంలో కులధ్రువీకరణ పత్రం కోసం ఎంపీటీసీ, జడ్పీటీసీ అభ్యర్థులు ఎమ్మార్వో కార్యాలయం చుట్టూ కాళ్లరిగేలా తిరుగుతున్నారు. అయితే తహసీల్దార్​ అందుబాటులో లేకపోవడం వల్ల ఇబ్బందులు ఎదుర్కొంటున్నారు. కీలక సమయాల్లో తహసీల్దార్​ సమావేశాలకు వెళ్లారని వాపోయారు.

అనంతపురం జిల్లా హిందూపురంలో ఎంపీటీసీ, జడ్పీటీసీ ఎన్నికల్లో పోటీ చేసే అభ్యర్థులకు ఇబ్బందులు ఎదురయ్యాయి. స్థానిక ఎమ్మార్వో అందుబాటులో లేకపోవటం వల్ల ఎన్నికల్లో పోటీ చేసే అభ్యర్థులు కుల ధ్రువీకరణ పత్రాల కోసం తహసీల్దార్​ కార్యాలయం చుట్టూ తిరుగుతున్నారు. ఈ విషయమై కార్యాలయ సిబ్బందిని సంప్రదించగా... పెనుగొండ సబ్ కలెక్టర్ కార్యాలయంలో సమావేశానికి ఎమ్మార్వో వెళ్లారని తెలిపారు. నామినేషన్లకు అత్యంత కీలకమైన సమయంలో అధికారుల సమావేశం నిర్వహించడం ఏంటని అభ్యర్థులు వాపోతున్నారు.

ఇదీ చూడండి: