ఉధృతంగా ప్రవహిస్తున్న వాగులో పడి వ్యాపారి మృతి

అనంతపురం జిల్లాలో రాత్రి కురిసిన భారీ వర్షాలకు వాగులు పొంగిపొర్లాయి. జక్కిరెడ్డిపల్లి గ్రామానికి చెందిన వ్యాపారి ప్రసాద్​ వాగులో పడి మృతి చెందాడు.

అనంతపురం జిల్లా కంబదూరు మండలం జక్కిరెడ్డిపల్లి గ్రామాంలో విషాదం చోటు చేసుకుంది. ఆదివారం రాత్రి కురిసిన భారీ వర్షాలకు పలుచోట్ల వాగులు ప్రవహించాయి. ఆ గ్రామస్థుడు ప్రసాద్ తన వ్యాపార లావాదేవీల ముగించుకుని తన గ్రామానికి తిరిగి వస్తుండగా పోలీస్​ స్టేషన్​ సమీపంలో వాగులో పడిపోయాడు. తనపై ద్విచక్ర వాహనం పడిపోవడంతో అక్కడికక్కడే మృతి చెందాడని పోలీసులు తెలిపారు. మృతదేహాన్ని కళ్యాణదుర్గం ప్రభుత్వాసుపత్రికి తరలించారు.