కూలీల ఆటోను ఢీకొట్టిన లారీ.. ఒకరు మృతి, 8 మందికి తీవ్రగాయాలు

కూలీలు వెళ్తున్న ఆటోని లారీ ఢీకొట్టటంతో ఒకరు మృతి చెందగా, 8 మంది తీవ్రంగా గాయపడ్డారు. ఈ విషాద ఘటన అనంతపురం జిల్లా తాడిపత్రి వద్ద జరిగింది.

వారంతా దినసరి కూలీలు....రెక్కాడితే కాని డొక్కాడని బతుకులు. అటువంటి వారిపై విధి కన్నెర్ర చేసింది. కూలీ పని కోసం వెళ్తున్న వారి ఆటోను లారీ ఢీకొట్టింది. అప్పటివరకూ ఆనందంగా సాగుతున్న వారి ప్రయాణం ఒక్కసారిగా విషాదం అయ్యింది. ఘటనలో ఒకరు మృతి చెందగా, 8 మంది తీవ్రంగా గాయపడ్డారు. ఈ ప్రమాదం అనంతపురం జిల్లా తాడిపత్రిలో జరిగింది.

వంగానూరు వద్ద కూలీలతో వెళ్తున్న ఆటోను లారీ ఢీకొట్టింది. ఈ ప్రమాదంలో పోతులయ్యపాలెం కాలనీకి చెందిన నారాయణమ్మ మృతి చెందగా..8 మంది తీవ్రంగా గాయపడ్డారు.

ఇదీ చదవండి: లారీని ఢీకొన్న బొలెరో వాహనం... ఒకరు మృతి