లాక్​డౌన్ సక్రమంగా అమలు చేయాలి: సీపీఐ

అనంతపురం జిల్లా గుంతకల్లులో లాక్​డౌన్ సక్రమంగా అమలు కావడం లేదని సీపీఐ నేతలు తహసీల్దార్ కార్యాలయం ముందు భౌతిక దూరం పాటిస్తూ ప్లకార్డులతో నిరసన చేశారు.

దేశమంతా కేంద్ర, రాష్ట్ర ప్రభుత్వాల ఆదేశానుసారం లాక్​డౌన్ అమలవుతుంటే గుంతకల్లులో మాత్రం పరిస్థితులు భిన్నంగా ఉన్నాయని సీపీఐ నాయకులు ఆవేదన వ్యక్తం చేస్తున్నారు. మద్యం షాపులకు అనుమతిచ్చినట్లే అన్ని దుకాణాలు తెరుచుకునేందుకు వెసులుబాటు కల్పించాలని డిమాండ్ చేశారు.

భవన నిర్మాణ కార్మికుల ఉపాధి కోసం ఆన్​లైన్​లో ఇసుక నమోదుకై సైట్ పునఃప్రారంభించాలని కోరారు. కంటైన్మెంట్ జోన్లుగా ప్రకటించిన ప్రాంతాల్లో కరోనా కేసులు నమోదు కాకపోతే వాటిని ఆరెంజ్ జోన్లుగా మార్చాలని డిమాండ్ చేశారు.

ఇదీ చదవండి: 'జనావాసాల్లో క్వారంటైన్ వద్దు'