ఇళ్ల పట్టాలు ఇచ్చేది జగనన్న కాదు చంద్రన్న అట!

రాష్ట్ర వ్యాప్తంగా ఇళ్ల పట్టాల పంపిణీ కోలాహలంగా సాగుతోంది. అనంతపురం జల్లా యాడికి మండల కేంద్రంలో జరిగిన ఇదే కార్యక్రమంలో.. ఎమ్మెల్యే పెద్దారెడ్డితో పాటు వేదికపైనున్న అధికారులకు ఓ మహిళ షాక్​ ఇచ్చింది. ఇళ్ల స్థలాలు ఇచ్చేది ఎవరని అడగ్గా.. చంద్రన్న అంటూ సమాధానమిచ్చింది.

అనంతపురం జిల్లా యాడికి మండల కేంద్రంలో.. ఎమ్మెల్యే పెద్దారెడ్డికి ఓ మహిళ షాక్ ఇచ్చింది. నవరత్నాల హామీల్లో భాగంగా ఇళ్ల పట్టాల పంపిణీకి ఆయన ముఖ్య అతిథిగా హాజరయ్యారు.

మండలంలోని 541 మందికి స్థలాలు అందజేసే క్రమంలో.. మీకు ఇంటి పట్టా ఎవరిస్తున్నారు అని ఓ మహిళను ఆయన అడిగారు. చంద్రన్న ఇస్తున్నాడని సదరు మహిళ జవాబు చెప్పడంతో.. అక్కడున్న అధికారులతా ఒక్క క్షణం ఆశ్చర్యపోయారు. ఇళ్ల పట్టాలు ఇస్తోంది చంద్రన్న కాదు... జగనన్న అని ఆమెకు తెలియజేయాల్సి వచ్చింది.

ఇదీ చదవండి: