కరవు నేలలో కృష్ణమ్మ పరవళ్లు
అనంతపురం జిల్లా వజ్రకరూరు మండలం రాగులపాడు వద్దనున్న ఎనిమిదవ లిప్టునకు కృష్ణ జలాలు చేరుకున్నాయి. ప్రత్యేక పూజలు నిర్వహించిన అధికారులు.. నాలుగు పంపుల ద్వారా 1129 క్యూసెక్కుల నీటిని హంద్రీనీవా కాలువలోకి పంపింగ్ చేస్తున్నారు. ఉరవకొండ మీదుగా జలాలు జీడిపల్లి రిజర్వాయర్కు చేరుకోనున్నాయి. కాలువకు నీరు విడుదల కావటంతో రైతులు ఆనందం వ్యక్తం చేస్తున్నారు. కృష్ణా జలాల రాకతో జిల్లాలో తాగునీటి ఎద్దడి దాదాపుగా తీరిపోనుందని అధికారులు తెలిపారు.