కిసాన్‌ రైలు స్కోచ్‌ అవార్డుకు రాష్ట్రంలో అనంతపురం ఎంపికైంది. స్కోచ్‌ అవార్డు కమిటీ ఛైర్మన్‌ సమీర్‌కొచ్చర్‌, డైరెక్టర్‌ గురుశరణ్‌ డంజల్‌, ఇతర కమిటీ సభ్యులు శనివారం దిల్లీ నుంచి జూమ్ యాప్ ద్వారా వీక్షణ సమావేశం నిర్వహించారు. శనివారం నిర్వహించిన వీడియో కాన్ఫరెన్స్లో 160 జిల్లాల నుంచి ప్రతినిధులు పాల్గొనగా.. 20 జిల్లాలను అవార్డుకు ఎంపిక చేశారు. అందులో రాష్ట్రంలోని ‘అనంతపురం జిల్లాకు తొలిస్థానం దక్కటంతో సిల్వర్‌ అవార్డుకు ఎంపిక చేశారు.
కలెక్టర్ గంధం చంద్రుడు పేరు మీద జూమ్ యాప్ ద్వారా అవార్డును అందజేశారు. దీంతో జిల్లా ఉద్యాన రైతులు, అనంతపురం టమోటా మండీ వ్యాపారులను ఉద్యానశాఖ అధికారులు కలెక్టర్ను ప్రత్యేకంగా అభినందించారు. ఈ కార్యక్రమంలో ఏపీఎంఐపీడీ సుబ్బరాయుడు, ఉద్యానశాఖ డీడీ పద్మలత, ఏడీఎచ్‌లు సతీష్‌, చంద్రశేఖర్‌, ఏపీడీలు ఫిరోజ్‌ఖాన్‌ తదితరులు పాల్గొన్నారు.