సుందరంగా ముస్తాబవుతోన్న ఇస్కాన్ మందిరాలు

శ్రీకృష్ణాష్టమి వస్తున్న సందర్భంగా రాష్ట్ర వ్యాప్తంగా ఇస్కాన్ మందిరాలు సుందరంగా ముస్తాబవుతున్నాయి. అనంతపురం, గుంటూరు జిల్లాలో విద్యుత్ కాంతులతో ఆలయాలను ప్రత్యేకంగా అలంకరించారు.

శ్రీకృష్ణాష్టమిని పురస్కరించుకుని అనంతపురంలోని ఇస్కాన్ మందిరాన్ని సుందరంగా అలంకరించారు.విద్యుత్ కాంతులతో దేదీప్యమానంగా వెలిగిపోతున్న ఆలయం వీక్షకులను విశేషంగా ఆకట్టుకుంటోంది.భారీ రథాన్ని గుర్రాలు లాగుతున్నట్లు తీర్చిదిద్దిన కళాఖండం ప్రత్యేకంగా నిలిచింది.ఆలయంలో రెండు రోజుల పాటు శ్రీకృష్ణాష్టమి ఉత్సవాలు జరగనున్నాయి.